『... 喺亞洲嘅呢一邊，在日本甚至香港，通縮係乜嘢一回事，好多人都有模糊嘅概念。 ...
通縮係乜嘢？唔係官方語言嘅廣東話最貼切：賤物鬥窮人。愈平愈見鬼，愈平你愈唔敢買。有資產在手嘅人，最怕通縮，因為手上資產愈跌愈平，要套現就要劈價。反而有現金在手嘅人，選擇愈嚟愈多，愈想等平價入貨。但係價錢下跌始終有底，最多係零，唔會係負數。愈快跌到接近零，愈快有人撲出嚟接平貨。印咗嘅銀紙係唔會消失，只會擺喺床下底唔攞出嚟先會有通縮。資產價格跌得愈急，愈快吸引到銀紙回歸市場。 ...
通縮最緊要係減債
如果你冇資產在手，無論你有錢冇錢，其實你仲開心，銀紙仲見使，但係最緊要係保得住份工。 ... 通縮你最驚嘅係，你老細做唔住要執笠，你就冇咗份糧，樓就照供，細路又要交學費，咁就係通縮帶嚟最大嘅痛苦。
是否爆煲冇人知，通縮會否來臨冇人可以準確預計，但係你可以做好準備。減債是必須的，投資銀行家已經由二千呎搬到八百呎，冇債，以防一天被炒冇工返。雖然投資銀行家慣晒炒魷搵工就炒魷嘅生活，但下一輪冇工返嘅日子可以好長。每次經濟唔好嘅周期，都係股市、樓市、就業市場一波一波跌落去。股市跌咗，樓市跌緊，就業市場開始緊張。獅子銀行凍薪，唔會係單一事件，農曆年後相信類似新聞陸續有嚟。而家乜都開始跌，你最緊要做嘅係減債。』
在九七金融風暴後，通縮曾在香港出現，最明顯的莫過於負資產的出現，令當時很多業主很困擾。
現在香港還未有通縮出現之前，甚至仍有個別業主狂加店租的個案出現，但最好還是設法減債，將債項和有可能令自己變成負資產風險的資產盡量撇清，才是現今理財之道。
