『大鱷專門人做我唔做，人唔做佢先走去做，證明跑先市場嘅重點唔係理會參與者點睇，而係估計未來出現嘅事情會唔會改變參與者點睇。市場本來係一買一賣，由一班完全唔識嘅人，走埋一齊買賣，市場應該反映這一班人意向嘅總和。如果大部分人睇向一邊，你要跑贏市場，就要估計有事情可以同時間改變晒佢哋嘅睇法。你估啱事情真正發生，如果市場參與者眾志成城，死都唔改變主意，你係唔可以跑贏市場。
要市場跟住走
索羅斯而家話沽空亞洲，話中國會經濟硬着陸，就算畀佢估中都冇獎，要估中之後大部分人跟索羅斯照沽先得。如果大家見到硬着陸都唔驚，唔沽，咁就估中都冇獎，市場仲會話現價已經反應了硬着陸嘅危機，到時真正硬着陸，價錢分分鐘掉頭升，大鱷都要輸錢。
所以大鱷要跑贏市場，唔只要估中，先行一步， 仲要好彩市場跟住大鱷諗嘅方向走。
市場跟你諗嘅方向走先係贏錢嘅重點，唔係你叻唔叻、是否估中，...
所以大鱷沽空亞洲，要贏錢，要靠大家幫拖。硬着陸之後大家坐定定唔郁，咁佢哋就想賺錢都難。...
總裁話，香港咁多錢，底厚，要沽空港紙，推到要挾息，要使好多錢。呢啲公開數字，同中國嘅GDP數字唔同，係公開透明信得過。佢哋沽空嘅時候一早都知香港底厚，你講一啲佢哋知嘅嘢係嚇佢哋唔走，因喺佢哋預計之內。反而你話「香港底厚，但我哋會當自己好似冇錢嘅心態去對付大鱷」，咁佢哋就驚，因為驚你發惡，唔跟正路走。... ，仲畀大鱷話你違反市場行為。香港咁鬼正路，一派書院氣質，你唔使驚港紙有問題，你要驚自己副身家有冇問題。』
這篇文章說明市場預期 (market expectation)是主導市場的決定性因素，雖然大鱷是市場的主要參予者，但都要透過例如散播消息等等手法，令市場預期與大鱷所預期的方向一致，才可以賺錢。
沽空港元，香港人自己當然不會驚慌，但不知道有堅厚聯匯制度的外國投資者就會在接近聯匯下限沽貨，在接近上限接貨，就會成為大戶點心。
