『愈嚟愈多國際大鱷大大聲話要沽空港紙同人民幣，究竟佢哋睇見有乜嘢蛛絲馬跡，睇得出2016年可能係中國經濟崩盤，人民幣可以大跌四成？可能係睇到一份報紙。
《金融時報》每周同一個人食晏談天，再寫成版報紙。今期食晏嘅係中國嘅王薇。你唔知王薇係邊個？佢老公係劉益謙。仲未知係邊個？佢兩公婆上年年尾用一億七千萬美金，買咗Modigliani一幅裸女畫。
暴發戶買畫有啟示
... 佢哋唔識藝術，買畫，全靠拍賣行小冊子嘅封面！ ... 用一億七千萬買畫，就係睇封面。
中國富豪買藝術品嘅氣概似曾相識？1990年，日本富豪齊藤了英（唔係加藤英）用了差不多1.6億美金買了兩幅名畫，震動一時。之後毋須多講，日本泡沫爆破，富豪要賣畫還債。
...
暴發嘅行為，欠缺修養嘅行為，體現於銀紙得來無緣無故，先會有瘋狂嘅使錢方法。 ...
暴發嘅社會，自然有爆破嘅一日。《金》呢篇訪問，說明今日嘅中國正如九十年代嘅日本。資產價格爆破，企業負債未能償還，引發連鎖反應。日本當年未有狠心處理不良企業，唔畀佢哋暴斃，只可以慢慢枯死，造成通縮，失去了20年。中國一樣唔容許大跌，要國家隊托，仲要繼續做世界經濟火車頭。
廿年之後，會否又有人高價買nu couché，然後話...』
簡單地說，這篇文章提到不懂藝術的中國富豪以身家的十份之一在拍賣行投到一幅名畫，好像上世紀九十年代日本經濟泡沫爆破前的徵狀一樣。這是否可以藉此推論中國經濟也有爆破的時候，而時候就是這一次？
當然，暴發戶在任何地方、任何時候都會有，以個別暴發戶的行為推論一個地方的經濟將會爆破，肯定地說，是十分遙遠，甚至是武斷。不過，若以此作為一個警號去審視現今經濟和金融體系出了甚麼問題，而令大鱷有可乘之機，始終都是值得的。
遠的不說，近期的暴力救市和腰斬祇實施四日的熔斷機制，在在顯示出中國在金融體制的管治上出了大問題。暴力救市後，大大減弱了救市資金的防護性，而中央有關部門對金融市場的管治都不過如此，加上經濟下滑，才是令大鱷蠢蠢欲動的真正原因。不久前說過，所謂「物先腐而後蟲生」，若果自身體制不是先出現問題，國際大鱷又怎能從中借勢賺錢？相關的金融管治機構將責任歸咎於大鱷身上，既不能解決問題，更是不負責任和無知的表現，令大鱷更有可乘之機。
No comments:
Post a Comment