『前輩成日話股市專收叻仔，但係又唔講係乜嘢原因，搞到佢哋好似知道乜嘢秘密咁，故弄玄虛。查實一字咁淺，股市入面唔係咁多人掌握晒全部資訊，你知啲唔知啲，任你幾咁聰明，作嘅決定總係有啲瑕疵，情形就好似愛恩斯坦要諗宇宙起源，但係你身處其中一點嘅地球，就算你諗爆個頭，都唔慌有真正答案。唔係你唔夠料，係你唔夠資料。
但係股市仲弊，你唔夠資料，諗錯方向，但唔代表你會落錯注。你玩大細，以為自己懂得聽骰，就算聽錯，都可以俾你買中。一次又一次諗錯又俾你買中，股市遲早有一鑊唔畀你咁好彩，輸你一鑊勁嘅。不過，你係叻仔嘛，點會服氣？以前鋪鋪俾你諗中，今次失手，意外啫，下鋪加碼，一定可以翻本。加碼冧落去，再輸，唔使講梗係入肉；贏番，仲死，更加強化你係叻仔嘅地位，更加唔會認錯，下次落注你更狠。
叻仔而又覺得自己叻嘅，唔係死在蠢，係死在以為自己知晒全部。
自以為是 以偏概全
2016年會收死好多叻仔。點解？因為2016年必定嚟一次災難式大冧，叻仔就會沽完之後再撈底。而呢啲大上大落嘅洶湧時代，八年一遇，必定吸引落重注，唔會忍得手陰滋陰滋。...
所有叻仔都係預咗沽完之後再撈底，但係你喺唔同位置停手，繼而反手買番上，決定你翻兩番定係傾家蕩產。而家全部叻仔都知道今年大鑊，... 冇嘢做而又有現金在手嘅叻仔，高危。』
在市場打滾，常常聽到「市場專收叻仔」的說話，但又聽不到任何的解說。以上的專欄文章或可給大家滿意的基本答案。
或者有人有疑問，既然「市場專收叻仔」，莫非要做魚腩，被人魚肉？當然不是。真正的「叻仔」，是會懂得在成功機會率極高的時機出手，而這個時機往往就在市場人仕不為意的時候出手。要市場不為意的原因，在操作方面，就是避免產生羊群效應，受到大戶魚肉；在個人言行方面，就是避免露出鋒芒，以免「鎗打出頭鳥」，被人針對。
最後在市場上真真正正的「叻仔」，往往就是在市場上長期安全操作而不為人注意的市場人仕。
No comments:
Post a Comment